മനസ്സില്‍ ഒരു കുളിര്‍മഴ പെയ്യുമ്പോള്‍
തെന്നലിന്‍റെയീണമെന്‍ ഹൃദയതന്ത്രികളില്‍ ഉണരുന്നു...
തുലാമിന്നലില്‍ കണ്ണുകള്‍ ചിമ്മിയടയുമ്പോള്‍
ഹൃദയതാളം പെരുമ്പറയായി കൊട്ടിയുണരുന്നു...
ആലോലമിളകുന്നൊരു തോണിയായെന്‍
ജീവിതം തിരകളിലിളകിമറിയുമ്പോള്‍...
സഖീ...എന്‍ ചാരെ നീയുണ്ടാവില്ലേ,
എന്‍ കരം പിടിച്ച്...ഞാനുണ്ടെന്നോതുവാന്‍...
മോഹങ്ങള്‍ ഒരു പിടി വെണ്ണീറായി മാറുമ്പോള്‍..
മിഴികളില്‍ മഴമേഘം നിറഞ്ഞു തുളുമ്പുമ്പോള്‍..
നീയെന്നുമെന്‍റെ കണ്‍മുന്നിലുണ്ടാവില്ലേ,
അരുത്..നീ കരയരുതെന്ന് ശാസിക്കുവാന്‍..
കാലചക്രം ദ്രുതഗതിയിലുരുളുമ്പോഴും..
ജീവിതം ജരാനരയില്‍ മുങ്ങുമ്പോഴും..
എന്‍ സ്മരണികയിലെന്നും നിറമാര്‍ന്നു നില്‍ക്കും..
പ്രിയസഖീ..നിന്‍റെ സ്മരണകള്‍ മാത്രം...
(പ്രിയപ്പെട്ട സുഹൃത്തായ സിമിക്കുട്ടിക്കു വേണ്ടി..... :))
:) .its mind-boggling...really i like it..
ReplyDeleteIam so blessed to have u as my sister...