About Me

My photo
എന്നെ കുറിച്ച് എന്ത് പറയാന്‍...ഞാന്‍ ഈ ലോകത്തെ വെറുമൊരു കണിക.... വികാരങ്ങളും വിചാരങ്ങളും എല്ലാം ഉള്ള ഒരു സാധാരണ മനുഷ്യജീവി... പ്രണയത്തെ പ്രണയിക്കുന്ന..കണ്ണുനീരിനെ സ്നേഹിക്കുന്ന....പിന്നെ ചില ഒറ്റപ്പെടലുകളെ ഇഷ്ടപ്പെടുന്ന...സൗഹൃദങ്ങളെ വില മതിക്കുന്ന ഒരു സാധാരണ പെണ്‍കുട്ടി...ഈ ലോകത്തിലെ എല്ലാവരുടെയും മുഖത്ത് സന്തോഷം കാണാന്‍ ആഗ്രഹിക്കുന്ന..ഒരല്പം സ്വപ്നജീവി ആയ ഒരു പെണ്‍കുട്ടി..അതാണ്‌ ഞാന്‍..നിങ്ങളുടെ സ്വന്തം മിന്നൂസ്...

Tuesday, March 29, 2011

എന്നെന്നും.....

നിന്‍ കരം ഗ്രഹിച്ചു ഞാന്‍,
പതിയെ നടന്നൊരാ ചെമ്മണ്ണിന്‍ പാതയും..

തോളോടു തോള്‍ ചേര്‍ന്ന് നാം, 
നെയ്തു കൂട്ടിയ പകിട്ടാര്‍ന്ന സ്വപ്നവും..

നിറനിലാവിലും നിറമാര്‍ന്ന ചില  മഴനൂല്‍കിനാവുകള്‍,
കുളിരോലും ചെറു മഴക്കാലനിനവുകള്‍..

ജീവന്‍റെ ഊഷരഭൂവിലെപ്പോഴോ-
മഴയായി പൊഴിഞ്ഞുവോ അശ്രുകണങ്ങള്‍..

എങ്കിലും വന്നെത്തി പിന്നെയോ-
ഏഴു നിറമുള്ള വാനവില്‍ ചന്തവും.. 

താരാട്ടിന്‍ ഈണമായി ഈ മഴച്ചാറ്റലും,
താളമായി നിന്‍ ഹൃദയരാഗവും..

എങ്കിലെന്നുള്ളം താമരമലരായി വിടരും, 
എന്നെന്നും ഞാന്‍ പ്രണയത്താല്‍ ഉണരും..