പ്രിയനേ നിന് പൊന്മിഴിയില്
തേടുന്നു ഞാന് സ്നേഹോദയം ..
അറിയുന്നു ഞാന് നിന്നെയെന്നും
അലിയുന്നു ഞാന് നിന്നോര്മയില്
പൂവിതളായി തേന്മഴയായി
സ്വപ്നങ്ങളില് നീയെന്നരികില്...
നീയെന്റെ ചാരത്തു വന്നിരുന്നപ്പോഴെന്
മോഹങ്ങള് മഴയായി പെയ്തൊഴിഞ്ഞു ..
ആയിരം ഇതളുള്ള താമര പോലെ;നിന്
കണ്ണുകള് കവിത പറഞ്ഞിരുന്നു,
എന്നോട്...........................................
കവിതകള് മാത്രം പറഞ്ഞിരുന്നു....
നീയെന്റെ ഹൃദയത്തെ തൊട്ടറിഞ്ഞപ്പോഴെന്
സ്വപ്നങ്ങള് സത്യമായെന്നറിഞ്ഞു...
ശ്രുതിയിടും ഗന്ധര്വ വീണയായി;ഇന്നു നിന്
മാനസം രഹസ്യങ്ങള് മന്ത്രിച്ചു,
എന്നോട്........................................
രഹസ്യങ്ങളൊക്കെയും മന്ത്രിച്ചു...
No comments:
Post a Comment