About Me

My photo
എന്നെ കുറിച്ച് എന്ത് പറയാന്‍...ഞാന്‍ ഈ ലോകത്തെ വെറുമൊരു കണിക.... വികാരങ്ങളും വിചാരങ്ങളും എല്ലാം ഉള്ള ഒരു സാധാരണ മനുഷ്യജീവി... പ്രണയത്തെ പ്രണയിക്കുന്ന..കണ്ണുനീരിനെ സ്നേഹിക്കുന്ന....പിന്നെ ചില ഒറ്റപ്പെടലുകളെ ഇഷ്ടപ്പെടുന്ന...സൗഹൃദങ്ങളെ വില മതിക്കുന്ന ഒരു സാധാരണ പെണ്‍കുട്ടി...ഈ ലോകത്തിലെ എല്ലാവരുടെയും മുഖത്ത് സന്തോഷം കാണാന്‍ ആഗ്രഹിക്കുന്ന..ഒരല്പം സ്വപ്നജീവി ആയ ഒരു പെണ്‍കുട്ടി..അതാണ്‌ ഞാന്‍..നിങ്ങളുടെ സ്വന്തം മിന്നൂസ്...

Tuesday, August 10, 2010

നിനക്ക്...


മഞ്ഞു പോലെയോ..ഇളംതെന്നല്‍ പോലെയോ...
എന്നെ പൊതിയുകയാണ്;ഇന്നു നിന്‍റെ സ്നേഹം...
പ്രണയമെന്ന മാസ്മരികലോകത്തെയ്ക്ക് വഴികാട്ടിയായത് 
പ്രണയാര്‍ദ്രമായ  നിന്‍റെ വാക്കുകളാണ്....
എന്‍റെ മനസ്സിന്‍റെ അടിത്തട്ടില്‍ മുന്‍പെന്നോ
നിന്നോടുള്ള സ്നേഹം അലയടിച്ചിരുന്നു...
അന്ന് കല്ലുകളില്‍  തട്ടി അവ തകര്‍ക്കപ്പെട്ടുവെങ്കിലും
ഇന്നു അവ വീണ്ടും ആര്‍ത്തിരമ്പുകയാണ്..
മുത്തായി ചെപ്പിലൊളിപ്പിച്ചു എന്നെ സ്വന്തം-
ഹൃദയത്തോടു ചേര്‍ത്ത നിന്‍റെ ഹൃദയവിശാലതയും
എന്നെന്നും എന്‍റെതെന്നോതി  എന്‍റെ മുടിയിഴകള്‍-
മാടിയൊതുക്കുന്ന നിന്‍റെ കൈവിരലുകളും,
ദുഖത്തിന്‍റെ നേര്‍ത്ത അലകള്‍ ഉയരുമ്പോള്‍
ചേര്‍ത്തു പിടിച്ചു സ്വാന്തനിപ്പിക്കുന്ന നെഞ്ചും
എന്നും എനിക്കായി മാത്രം തുടിച്ചിരുന്നെങ്കില്‍...!!!
നിന്നോടുള്ള എന്‍റെ സ്നേഹത്തില്‍
അര്‍ഹതയില്ലാത്തത്  ആശിക്കുന്നവളുടെ നൊമ്പരമുണ്ടാകാം..
നീയും നിന്‍റെ സ്നേഹവും എനിക്ക് മാത്രം-
എന്ന ശക്തമായ സ്വാര്‍ത്ഥതയുണ്ടാവാം  ...
ഒപ്പം....അടര്‍ത്തിയെടുത്തു മഞ്ഞുപേടകത്തിലാക്കി
എന്‍റെ കൈവെള്ളയില്‍ വച്ചു തന്ന-
നിന്‍റെ ഹൃദയത്തിനോടുള്ള ആദരവും...
നിന്‍റെ കണ്ണുകളില്‍ കാണുന്ന സ്നേഹവും
പുഞ്ചിരിയില്‍ വിടരുന്ന ആഹ്ലാദവും
ഞാന്‍ നിന്‍റെ...നീ എന്‍റെ..... 
എന്നെന്നെ അറിയാതെ ഓര്‍മിപ്പിക്കുന്നു...
നമ്മള്‍ മണ്ണും മഴയും പോലെയാണ്,
എത്ര അകലങ്ങളിലായാലും
മഴയ്ക്ക്‌ മണ്ണിനോട് ചേര്‍ന്നേ മതിയാകൂ..
അതു പോലെ നമ്മളും...
 

5 comments:

  1. നമ്മള്‍ മണ്ണും മഴയും പോലെയാണ്,
    എത്ര അകലങ്ങളിലായാലും
    മഴയ്ക്ക്‌ മണ്ണിനോട് ചേര്‍ന്നേ മതിയാകൂ..
    അതു പോലെ നമ്മളും...


    ................aashamsakal..........

    http://blacklightzzz.blogspot.com/

    ReplyDelete
  2. valare vaikiyan kandadhenkilum nannayitund

    ashamsakal.............

    raihan7.blogspot.com

    ReplyDelete
  3. @KV : nandiyundu.. :):)

    @raihan : orikkal koodi nandi suhruthe... :):)

    ReplyDelete