എന്‍റെ കണ്ണുനീര്‍..

 സ്നേഹത്തിനു പ്രതിഫലം കണ്ണുനീരാണെങ്കില്‍  

ആ കണ്ണുനീര്‍ ഞാന്‍ ഇഷ്ടപ്പെടുന്നു..

മനസ് വെന്തുരുകുന്നതാണോ കണ്ണുനീര്‍..?

ആയിരിക്കാം...അതാകും കണ്ണുനീരിനു ഒരു ചൂട്..

എന്‍റെ കവിളുകള്‍ക്ക് ചൂട് പകര്‍ന്ന്-

കണ്ണുനീര്‍ ഒഴുകുമ്പോള്‍ മനസ്സാകെ ചുട്ടുപൊള്ളുന്നു..

എങ്കിലും ഞാന്‍ സന്തോഷിക്കുന്നു..

പ്രിയപ്പെട്ടവരുടെ കണ്ണുനീര്‍ കാണണ്ടല്ലോ..

കണ്ണുനീര്‍ കവിള്‍ നനയ്ക്കുമ്പോള്‍..

ഞാനറിയുന്ന ഈ സുഖത്തിനു-

ഒരുപാട് അര്‍ത്ഥങ്ങളുണ്ട്..

ഒത്തിരി ആശ്വാസങ്ങളുണ്ട്‌..

എന്‍റെ കണ്ണുനീരില്‍ മറ്റാരൊക്കെയോ-

മഴവില്ല് കാണുന്നുണ്ടാവാം..എനിക്ക് പ്രിയപ്പെട്ട-

ആരൊക്കെയോ പുഞ്ചിരിക്കുന്നുണ്ടാവാം..

അതിനുമപ്പുറം ഞാനെന്തു നേടാന്‍..??

 സ്നേഹം എന്നെ കരയിച്ചോട്ടെ..

ഞാന്‍ സ്നേഹിക്കുന്നവരെ എന്നെന്നും-

സ്നേഹം കരയിക്കാതിരിക്കട്ടെ...

അവര്‍ക്ക് വേണ്ടിയും ഞാന്‍ കരയാം..